Gemeinde Surses
Situo ainten la cuntrada muntagnarda impressiunonta da Surses porscha igl noss cumegn betg angal en li da lavour, mabagn er ena qualitad da veiver extraordinaria. Tgi tgi veiva e lavoura cò, ò igls territoris da skis, sendas da viandar e nateira infinita directamaintg davant igl isch-tgesa – cumbino cun bler suglegl, ena cuminanza ferma ed en mintgade multifar.
Igl cumegn da Surses è tenor surfatscha egn digls pi gronds cumegns dalla Svizra e dispona dad ena paletta d'immobiglias vasta, da stabilimaints turistics e da projects da construcziun. La gestiun professiunala dallas immobiglias e digls stabilimaints è centrala per la qualitad da veiver e per la funcziunalitad digl noss cumegn.
Nous tschartgagn ena persunga angascheda tgi ò plascheir da surpiglier responsabladad, da duvrar a moda suverana applicaziuns digitalas e da gidar concepeir activamaintg igl sectour d'immobiglias e fatgs da construcziun.
Igl Cumegn politic da Surses tschertga per dalunga u tenor cunvignientscha ena/en
Referendaria/referendari per las immobiglias communalas e fatgs da construcziun
- administrar ed assister administrativamaintg las immobiglias communalas
- planisar e coordinar las lavours da reparaturas e mantignamaint da construcziun scu er collaborar an fatgs da contracts incl. post da contact per locatarias e locataris
- administrar igl sistem da sarada incl. igl adiever da soluziuns electronicas modernas
- administrar las reservaziuns sen buchen.surses.ch scu er coordinar las reservaziuns cun igl team da pedels
- sustign da project aint igl sectour da construcziun cun incumbensas scu p.ex. la controlla digls termins e digls costs
- scolaziun mercantila terminada u experientscha ainten l'administraziun d'immobiglias, da construcziun e/u aint igl management da projects
- moda da lavour autonoma, exacta e fidada
- atgna iniziativa e mutivaziun da piglier per mangs sfeidas
- experientscha aint igl management da projects è d'avantatg
- fitg bungas cunaschientschas da PC e plascheir da duvrar diversas applicaziuns digitalas per administrar pendenzas ed immobiglias/fatgs da construcziun
- persunalitad orientada agl team cun en bung stil da tudestg an pled ed an scretg, rumantsch è d'avantatg
- en team mutivo, collegial e tgi sustigna l'egn l'oter ainten en ambiaint da lavour modern
- cundiziuns da lavour attractivas e pussebladad da scolaziun
- ena lavour varionta cun responsabladad e spazi da furmar
- la pussebladad da gidar sviluppar en sectour central digl cumegn e da far propostas per novas soluziuns
Arbeitsort: 7453Tinizong
Vez interess? Alloura tarmatte igls Voss documaints d'annunztga a persunal@surses.ch
Sclarimaint dat Carmen Voney, manadra immobiglias, 081 659 11 88 u carmen.voney@surses.ch