Cumegn da Surses/Gemeinde Surses
Igl Cumegn politic da Surses schea anmez la cuntrada muntagnarda impressiunonta digl Grischun ed unescha an moda unica nateira, qualitad da veiver e perspectivas attractivas pigl futur. Ena veta communala veiva, tradiziuns viveidas ed igl svilup dinamic scu regiun turistica caracteriseschan la val.
Causa d'ena midada da plazza interna dalla titulara da plazza actuala tschertga igl Cumegn politic da Surses per dalunga u tenor cunvignientscha ena persunga angascheda scu
referendari/a pigls sarvetschs d'abitants 80 - 100%
cun perspectiva: tar qualificaziun correspondenta ed interess exista la pussebladad da surpiglier la funcziun scu manader/manadra digls sarvetschs d'abitants.
Igls sarvetschs d'abitants èn igl post da contact impurtant per las nossas abitantas e pigls noss abitants. Correspondentamaintg èn ena gronda prontadad da sarvetsch, discreziun e plascheir digl contact cun gliout ena premissa impurtanta per surpiglier chella plazza pretensiousa.
Voss pensums
- elaborar da moda autonoma tot las incumbensas an fatgs d'abitants scu manar e tgirar igls registers d'abitants e da votants, mutaziuns, registrar las annunztgas dallas persungas tgi vignan a star aint igl cumegn u tgi bandungan igl cumegn, midadas digl stadi civil, lubientschas d'esters, controlla dall'obligaziun davart la sieranza da malsangs, far attests e confermas scu er cunsiglier da moda professiunala la clientella
- sarvetsch da spurtegl e telefon scu er lavours administrativas generalas, scu elaborar la posta, administrar l'adressa generala dad e-mail, correspondenza, manar la cassa e chints da canzleia
- sustign da manar la filiala AVS
- cooperar tar votaziuns ed elecziuns (spediziun, dumbraziun e controlla digl dretg da votar)
- tgirar igls fatgs da tgangs inclus registraziun e facturaziun
- lavours administrativas an fatgs da pumpiers
- collaboraziun cun autoritads, uffezis e posts spezialisos externs
- substituziun dalla manadra digls sarvetschs d'abitants durant la sia absenza
Voss profil
- scolaziun da basa mercantila ed agl cass ideal experientscha professiunala aint igls sarvetschs d'abitants u ainten ena funcziun cumparegliabla
- persunga curtaschevla, orientada agl sarvetsch, cun bung dung da communitgier e cun discreziun
- tudestg an bung stil a bucca ed an scretg; cunaschientschas da rumantsch scu er taliang ed engles èn d'avantatg
- moda da lavour autonoma, exacta ed effiziainta
- abel da surpurtar squitsch, fido e flexibel
- bungas cunaschientschas dad IT scu er plascheir da process digitals
Nous purschagn
- ena lavour multifara ed interessanta cun libertad da furmar e sviluppar
- perspectiva da svilup a lunga vista cun la pussebladad da surpiglier la direcziun digls sarvetschs d'abitants (an consequenza dalla pensiun agl futur dalla titulara actuala)
- infrastructura moderna ed en plaz da lavour conform agl taimp an tgesa communala a Tinizong
- salari conform agl taimp e cundiziuns d'angaschamaint attractivas
- sustign tar furmaziuns supplementaras professiunalas e pussebladads da svilup
- en team mutivo e collegial
Arbeitsort: 7453Tinizong
Vainsa sviglia igl Voss interess?
Alloura ans legrainsa d'Az amprender a canoscher. Tarmatte igls Voss documaints d'annunztga per e-mail a persunal@surses.ch.
Per dumondas pertutgont la plazza u igl ambiaint da lavour Az dattan gugent sclarimaint:
Elvira Sinha-Willi, manadra sarvetschs d'abitants, elvira.sinha@surses.ch /
081 659 11 74 u Jacqueline Baltermia, manadra post spezialiso pigl persunal, jacqueline.baltermia@surses.ch / 081 659 11 78.