Gemeinde Surses
Igl cumegn da Surses, tgi è situo ainten la cuntrada muntagnarda impressiunonta digl Grischun, porscha schibagn en'ota qualitad da veiver scu er en post da lavour tgi fascinescha cun la sia impressiun sensitiva e la sia vastadad. La nossa regiun reunescha quietezza e tradiziun cun ena veta communala veiva ed en svilup turistic dinamic. La diversitad dallas nossas immobiglias – da tgesas da scola sur salas polivalentas anfignen tar indrezs sportivs e turistics – fò la lavour da mantigneir igls edifezis fitg varionta e pretensiousa. Tgi tgi lavoura tar nous, cooperescha mintga de tgi l'infrastructura funcziunescha, tgi salvs da scuntrada vignan creos e tgi la nossa communitad resta ferma.
Igl Cumegn politic da Surses tschertga per dalunga u tenor cunvignientscha ena persunga angascheda e mutivada, tgi contribuescha cun cor, anschign manual e talent organisatoric alla funcziun sainza incaps digls noss implants - scu
pedel/pedela dallas immobiglias communalas (60-100%)
Vossas incumbensas principalas èn
- lavours da mantignamaint e da nattageda ve dallas immobiglias communalas incl. lavours da conturn
- assistenza e survigilaziun digls indrezs tecnics
- sustign per preparar e realisar occurrenzas
- surdar e piglier anavos las immobiglias communalas an cass da locaziun e d'utilisaziun antras terzas persungas
- substituziun dalla manadra dalla squadra da pedels
Vous disponiz da
- an cass ideal d'ena scolaziun scu spezialist/spezialista per igl mantignamaint digl menaschi AFQ/EFZ, practicist/a da mantignamaint AFP/EBA u ena scolaziun artisanala da basa cumparegliabla
- grond anschign manual e tgapientscha tecnica
- prontezza per taimps da lavour irregulars scu er da luvrar durant fegns d'emda a caschung d'occurrenzas
- moda da luvrar independenta, fidada ed orientada agl team
- demananza curtaschevla e plascheir ve digl contact cun la populaziun
- bungas cunaschientschas digl tudestg, giavischeidas er cunaschientschas digl rumantsch
- lubientscha dad eir cun auto categoria B (categoria BE è d'avantatg)
- an cass ideal è igl Voss domicil ainten la val
Nous purschagn
- en'activitad varionta agl intern ed agl extern
- en team collegial e tgi sustigna l'egn l'oter
- cundiziuns da pladimaint modernas cun ena salarisaziun conforma agl taimp
- pussebladads da furmaziun supplementara ed en'incumbensa, noua tgi Vous contribuiz mintga de visiblamaintg agl funcziunamaint da noss cumegn.
Arbeitsort: 7460Savognin
Nous ans legragn da Voss documaints d'annunztga cumplets per e-mail a persunal@surses.ch. Per dumondas Az stat gugent a disposiziun Irene Wasescha, manadra dalla squadra da pedels, tel. 081 659 11 71.