Zum Hauptinhalt springen

Assistent scrivant da cumegn 100% (m/f)

Assistent scrivant da cumegn 100% (m/f)

Gidar furmar activamaintg igl avigneir digl noss cumegn!

Igl Cumegn da Surses cun igls sies radond 2'400 abitants totga dalla surfatscha annò tar egn digls pi gronds cumegns dalla Svizra e sa cumpona dad 11 vischnancas. Chellas vischnancas furman en cumegn multifar cun nateira intacta, bietgs istorics ed ena buna infrastructura concernent igl turissem e la cultura. Ainten la nossa administraziun orientada agl sarvetsch è la partiziun «direcziun operativa» la plattafurma tranter la suprastanza e tot igls sectours da funcziun digl cumegn.

Igl cumegn tschertga per chella plazza tgi vign stgaffeida da nov e tgi pò neir sviluppada da moda flexibla, per dalunga u tenor cunvagnientscha en

Assistent scrivant da cumegn 100% (m/f)

Voss pensums principals

  • Assistenza e sustign digl mastral e digl scrivant da cumegn an fatgs d’administraziun, organisaziun, communicaziun e tar projects
  • Preparaziun ed elaboraziun dallas sedutas da suprastanza ed incl. screiver igls protocols
  • Organisaziun dallas radunanzas communalas e cumegns d’urna e preparaziun dallas actas correspondentas
  • Otras incumbensas tenor qualificaziun

Voss profil

  • Amprendissadi mercantil termino
  • Experientscha an ena lavour sumigliainta, d’avantatg segl sectour digl dretg public
  • Experientscha da rediger correspondenza pretensiousa e da screiver protocols
  • Bungas cunaschientschas d’utilisaziun da MS-Office, eventualmaintg da CMI Axioma
  • Stil da screiver verso
  • Bunas cunaschientschas digl rumantsch e tudestg a bucca ed an scretg. Cunaschientschas digl taliang èn d’avantatg
  • Cumparsa curtaschevla e plascheir da contact cun gliout
  • Talent d’organisar
  • Saveir luvrar da moda independenta, exacta ed effiziainta; gronda prontadad da sarvetsch e discreziun

Nous purschagn

  • Ena lavour varionta, pretensiousa ed interessanta
  • Salari conform agl taimp e cundiziuns da pladimaint attractivas
  • Vista da surpiglier la plazza da scrivant da cumegn (successiun).

Vainsa sviglia igl Voss interess per chella plazza captivonta e cun pussebladad da sviluppar? Alloura tarmatte la Vossa annunztga cumpletta anfignen igls 28 da settember 2020 per e-mail a marlen.rutz@surses.ch u per posta a: Marlen Rutz, Cumegn da Surses, manadra digl persunal, Veia Cantunala 57, 7453 Tinizong.

Sclarimaints dattan igl canzlist Beat Jenal (telefon 081 659 11 65 u 078 810 13 68) u igl mastral Leo Thomann (telefon 081 659 11 61 u 079 405 96 73).

mailto:marlen.rutz@surses.ch

Assistent scrivant da cumegn 100% (m/f)

Surses
Festanstellung
über 5 Jahre Berufserfahrung
Berufliche Grundbildung

Veröffentlicht am 14.10.2020