Ein Portal von:
SOMEDIA
Lavuratori FAR MEDIAS 2018-09-27
  • Il lavuratori sa drizza a persunas ch'han gust da far dumondas, da retschertgar, rapportar, moderar ed experimentar.
  • Il lavuratori ha lieu 2 giadas l'onn: mintgamai ina sonda da las 8.30 fin las 17.30
Las datas dals proxims lavuratoris èn: 30 da november 2018 / 13 d'avrigl 2019 / 28 da settember 2019
  • Lieu ed autras infurmaziuns
En chasa RTR, Via da Masans 2, Cuira
Minimum 4 / maximum 8 participantas e participants
Il lavuratori FAR MEDIAS è gratuit
  • Absolventas ed absolvents da la maturitad gimnasiala u d'in emprendissadi che s'interessan per in praticum u stage (scolaziun accumpagnada superiura da schurnalissem a la MAZ).
Per questas persunas vala il lavuratori sco emprim pass per sa recumandar sco futura praticanta u proxim stagiaire.
  • Interessentas ed interessents cun ina scolaziun solida ed experientscha da lavur che tschertgan ina nova sfida professiunala u ina plazza sco redactura u moderatur.
Per questas persunas porscha il lavuratori in'invista en la lavur dal mintgadi schurnalistic e furnescha bleras infurmaziuns per in'eventuala decisiun da midar professiun.
  • Esser pli vegl che 18 onns
  • Annunzia giavischada fin il pli tard duas emnas avant il termin dal lavuratori
  • Cuntegn
  • Curt input teoretic "Tge è schurnalissem?"
  • Lavur individuala: producir ina contribuziun/novitad da radio
  • Lavur en gruppa: producir ina contribuziun/film per multimedia
  • Discurs persunal (intervista) ed elavurar questiunari
  • Infurmaziuns sur da las offertas e pussaivladads da lavur che RTR porscha
  • Gentar cuminaivel
  • Ina schanza unica per fitgar pè en il mund da lavur dal schurnalissem
RTR Radiotelevisiun Svizra Rumantscha
RTR è là nua che ses public è

RTR è in’unitad d’interpresa da la SRG SSR e la chasa da medias per la Svizra rumantscha. Ella porscha in program da radio multifar, emissiuns da televisiun captivantas ed in’offerta online cumplessiva. 170 collavuraturas e collavuraturs lavuran en 30 differentas professiuns. Di per di procuran els per infurmaziuns actualas, novitads regiunalas, sport e divertiment. Dapli sin rtr.ch.

Lavurar tar RTR - www.rtr.ch/plazzas.